දරුවෙක්ට ඉගෙනගන්න ඉන්ටර්නැෂනල් ස්කූල්ද රජයේ පාසැල්ද වඩා හොඳ කියන එක ගැන බුකියේ සංවාදයක් යනවා. ඒ ගැන මට තියෙන්නෙ පොඩ්ඩක් වෙනස් විදියක අදහසක්.
මම ළමයි බිහි කරන්න දායක වෙන්නෙ නැති වුනාට මට ළමයෙක් හිටිය නම් ඉස්කෝලය තෝරාගැනීම ගැන කතාවෙදි මම මුලින්ම බලන්නෙ යම් ඉස්කෝලෙක සිසුන්ට දඬුවම් විදියට ගහනවද නැද්ද, ඔවුන්ට ලබා දෙන දඬුවම් ක්රම මොනවද, ගුරුවරුන් සිසුන් සමඟ ගනුදෙනු කරන්නේ කොහොමද කියන එකයි.
මොකද මට වැඩියෙන්ම වැදගත් වෙන්නෙ වෙන කිසිම දෙයක් නෙමේ, ළමයගේ ඉමෝෂනල් well being එක නිසා. ඒක තමා අංක එක.
අධ්යාපනයෙ කොලිටිය අරව මේවා වලට නම් මම ලොකු වැදගත්කමක් දෙන එකක් නැහැ. මොකද මට අනුව නම් මොන ඉස්කෝලෙකට දැම්මත් වෙන්නේ රාජ්යය අධ්යාපනයෙන් දරුවාව මොළ ශෝදනයට ලක් කිරීමයි අර කොටල පොවන මාගල් ටික ඔලුවට ඔබ්බවන එකයිනෙ. මට දරුවෙක් හිටිය නම් මම කොහොමත් කැමති නැහැ ඌ කවද හරි වැඩිහිටියෙක් වුනාම කොණ්ඩේ පැත්තට බෙදලා, ශර්ට් එක යට කරලා ටයි එකක් දාගෙන කාර් එකක වැඩට ගිහින් එතන ඌට පහලින් ඉන්න එකාලට දවසම අණ දීලා ඌට උඩින් ඉන්න එකාලට දවසම පු* දීලා හවසට උගේ තට්ටු දෙකේ ගෙදරට ඇවිත් ගෑණියි ළමයිනුයි එක්ක ටෙලිනාට්ටි බලලා නිදාගෙන ආපහු පහුවදාටත් ඒකම රිපීට් කරන බැංකුවෙ සල්ලි ගොඩගහගත්ත කිසිදාක උදාවෙන්නැති අනාගතයක් වෙනුවෙන් දුක් විඳින වර්තමානයක් නැති බූරුවෙක් වෙනව දකින්න. (මගෙ කැමැත්ත ගැන කිව්වෙ. එහෙම බූරුවෙක් වෙන එක නම් උගෙ කැමැත්ත ඒක මට අදාල නෑ).
මට නම් ඔය තමාගෙ දරුවව පොරක් කියල එකෙක් කරන්න හදන එකම කුණුහරප කතාවක්.
ඊට වඩා මම ආසයි සමාජයේ මේන් ස්ට්රීම් ආකෘතිගත පඹයා වෙනව වෙනුවට, ගිටාර් ගගහා හරි, චිත්ර ඇඳ ඇඳ හරි, නවකථා ලිය ලිය හරි.. ඒ වගේ මොක කලත් කමක් නෑ, හිතන්න පුළුවන් මිනිහෙක් වෙනව නම් ඌ. වේල් තුන කාලා බේසික් අවශ්යයතා ටික ඉටු කරගෙන ඔලුව උඩින් වහලයක් තියෙන තැනක් ශේප් කරගන්න පුළුවන් වුනා නම් ඒ හොඳටම ඇති. (ඌ හිතන්න පුළුවන් එකෙක් නම් ඌට ඒක තේරුම් ගන්න මොළේ තියෙනවනෙ)
මොන ඉස්කෝලෙට ගියත්, හැම මොහොතෙම වටේ ඉන්න එවුන් එක්ක තරඟ කර කර, උන්ව පෙරළගෙන උන්ට වළකපාගෙන ජීවිතය දිනන්න හදන අර බූරු පඹයා බවට දරුවො පත් කරන්නනෙ අධ්යාපන ක්රමය කියන මල ඉලව්ව තියෙන්නෙ. නැතුව ස්වාධීනව හිතන්න පුළුවන් අනෙක් මනුස්සයා දිහා කාරුණික ඇහින් බලන සහකම්පනය දැනෙන හදවතක් නිර්මාණය කිරීම ඉලක්ක කරගත්ත අධ්යාපන ක්රමයක් නෙමෙයිනෙ මිනිස් ඉතිහාස ගමනේ වර්තමාන මොහොතේ තියන්නෙ.
ඉතින් ඒ නිසා අධ්යාපනයේ කොලිටිය අරව මේව නම් එච්චර අදාල වෙන එකක් නෑ. බේසික් පහසුකම් ටික තිබ්බ නම් ඇති.
මම අහල තියෙන විදියට ඉන්ටර්නැෂනල් ඉස්කෝල වල ළමයින්ට ගහන්නෙවත් හරක්ට වගේ සලකන්නෙවත් නෑ(ලු). ඒනිසා මගේ තේරීම ඒක.
හැබැයි මොන ඉස්කෝලෙක හරි ගුරුවරයෙක් ළමයට ගහල තිබ්බොත් එහෙම ශුවර් එකට පහුවදාට මම ඉස්කෝලෙට ගිහින් ඌව උස්සලා පොළවෙ ගහල තමයි නවතින්නෙ (ලිටරලි ගන්න එපා).
අනිත් දෙමව්පියන් තමන්ගෙ දරුවන්ට වෙනත් වැඩිහිටියො (මේ කාරණයෙදි නම් ගුරුවරු) හිංසා කරන එක ඉවසන්නෙ-නොදැක්කා සේ ඉන්නෙ කොහොමද කියන එක මට හිතා ගන්නවත් බැහැ…
Leave a reply to Ajith Dharma Cancel reply