ලෝක යථාර්තය අවබෝධ කරගන්න තරම් බුද්ධිමත් දුප්පත් පවුල් වල කොලු ගැටව්

උසාවි දාන භික්ශූන් වැඩිම පිරිසක් ලමා අපයෝජන චූදිතයන්. ඒකෙනුත් වැඩියෙන්ම තමන්ගේම පොඩිනමවල් අපචාරයට ලක් වූ චෝදනා,

සැ යු – පහත සටහනේ ආවේගශීලි වචන භාවිතයක් අඩංගුය.

“පොඩි දරුවෙක් කැමති වුන පළියට ඒ පොඩි එකාට අරක්කු බොන්න බෑලු… කසාද බඳින්න බෑලු… යුද්ධෙට යන්න බෑලු… වාහන එලවන්න බෑලු… හවස හයෙන් පස්සෙ තනියෙම පාරෙ යන්න බෑලු… කෙල්ලෙක් එක්ක යාලු වෙන්න බෑලු… ඉස්කෝලෙ යන්නැතුව ඉන්න බෑලු… දවසම වීඩියෝ ගේම් ගහන්න බෑලු… අම්මලා ආරම්භ කරපු ඉතිරි කිරීමේ ගිණුමෙන් සල්ලි අරගෙන ඒ සල්ලි ඔක්කොම වියදම් කරලා සෙල්ලම් බඩු ගන්න බෑලු… ඉස්කෝලෙ යන්නෙ නැතුව දවසම යාලුවො එක්ක ක්‍රිකට් ගහන්න බෑලු… වහලෙ උඩ නගින්න බෑලු… ඡන්දෙ දාන්න බෑලු… බත් කන්නෙ නැතුව තුන් වේලටම චොක්ලට් කන්න බෑලු… හෝම් වර්ක් කරන්නැතුව ඉන්න බෑලු… ගින්දර එක්ක සෙල්ලම් කරන්න බෑලු… ගැඹුරු තැන් වල තනියෙම නාන්න බෑලු… අම්මලා එක්ක තරහ වෙලා ගෙදරින් යන්න බෑලු… කොටින්ම උදේ පරක්කු වෙලා නිදාගන්න, දවල්ට කෑම එපා බඩිගිනි නෑ කියන්න, රෑට නිදිමත නෑ තව ඇහැරිලා ඉන්න ඕන කියන්න…… ඔය මුකුත් බෑලු…

මේකා තාම පොඩි එකෙක් නිසා ඔය කිසිම දෙයක බරක් පතලක් තේරෙන්නෙ නෑලු… ‘කරන දෙයක් ලොකු වුනාම කරගනින්, උඹ තාම ඔය වැඩ කරන්න පොඩි වැඩියි’ කියලලු හැම වෙලේම මූ එක එක ඒවා කරන්න ඕනේ ඕනේ කිය කිය අඬද්දි අම්මලා කියන්නෙ..

කොටින්ම මේකාට ඌ ගැන කොච්චර නම් නොතේරෙනවද කියනවා නම් ඌ උදේ ඇහැරුන වෙලේ ඉඳල රෑ නින්දට යනකල්ම මූ කරන දේවල් ගැන දෙමව්පියෝ ඉන්නේ ඇහැ ගහගෙනලු…

දැන් ඔය මුකුත් බැරි, ඔය මුකුත් තේරෙන්නැති මූට කරන්න පුළුවන් මොකක්ද?

මූට පුළුවන්ලු………

සාරාසංකේය කල්ප ලක්ෂයක් පෙරුම් පුරලා, ඊටත් පස්සෙ අවුරුදු ගාණක් දුෂ්කර ක්‍රියා කරලා අවබෝධ කරගත්තයි කියන, ජීවිතයේ අනිත්‍යය බව ගැන සහ එහි ස්වභාවය ගැන සාකච්ඡා කරන, සසර ගමනින් එතෙර වෙන මාර්ගය උගන්වන ලොව ගැඹුරුම ආගමට ඇතුළු වෙන්න කැමති නම්, මූට පුළුවන් ලු ඒ ආගමට බැඳිලා මහණ වෙන්න..

අර මුකුත් නොතේරෙන, ඒ මුකුත් බැරි පොඩි එකාට අන්න ඒ කිව්ව මහණ වීමේ තීරණය තේරෙනවලු. ඒකට ඌ කැමති වෙන්නෙ සේරම තේරුම් බේරුම් කරගෙනලු… එතනදි උගෙ කැමැත්තට ඉඩ දෙන්නම ඕනලු…

කවුද දැන් මේ කතාව පුක හපාගෙන කියන්නෙ…?

මේ කතාව කියන්නෙ….. තමාගෙ දරුවා වැඩිහිටියෙක් වෙලා, අවුරුදු දහ අටත් පැන්නයින් පස්සෙ තමා අකමැති ජාතියේ කොල්ලෙක් හරි කෙල්ලෙක් හරි එක්ක යාලු වුනාම දාන්න තියෙන නීති ඔක්කොම දාලා සම්බන්දෙට ඇඟිලි ගහන…. අවුරුදු විසිපහේ විසිහයේ තමන්ගෙ ‘අලිබබා’ බඳින්නෙ මොකාවද.. ඌ/ඒකි හැමිනෙන්නේ කාත් සමඟද, කුමන වේලාවකද, බඳින්න කලින්ද පස්සෙද… මූ මුගේ ගෑණි එක්ක/මිනිහා එක්ක පවුල් කන්නෙ කොහොමද, මූ මුගෙ දරුවාට නම දාන්නේ සුභ අකුරු වලින්ද, මුගේ ගෑණි ගෙදර හැමදාම උයනවද, කන්නෙ කඩෙන්ද..
ඔය වගේ එකී මෙකී නොකී හැම ඉලව්වම තමන්ගෙ ‘වැඩිහිටි බබාට’ තේරෙන්නෑ කියන… තමන්ගෙ දරුවා වැඩිහිටියෙක් වුනයින් පස්සෙත් ඌ මුකුත් නොතේරෙන බබෙක් කියල හිතලා ඌ කරන හැම මගුලටම ඇඟිලි ගගහා ඌව නිවැරදි කරන්න හදන වාහේ ලා ඉන්නෙ…

අන්න ඒ වගේ උන් තමා පුක කා ගෙන කියන්නෙ අර කලින් කිව්ව පොඩි එකාට “මහණ වෙන්න නම් තේරෙනවා” කියල.

ඔව්… උන්ගෙ එවුන්ට අවුරුදු විසිපහ පැනලත් උන්ගෙ අවසරය නැතුව බඳින්න කලින් කැමති එකෙක්/එකියක් එක්ක හැමිනෙන්නවත් බෑ… ඇයි?? තේරෙන්නෑනෙ.. ඉක්මනට රැවටෙනවනෙ.. පොඩි එකානෙ.. තමන්ගෙ එකාට ඌට ඕන මනුස්සයාව බැඳගන්න තියෙන උගෙ කැමැත්ත පිළිනොගන්න එවුන් අර අසරණ පොඩි එකාට මහණ වෙන්න තියෙන කැමැත්ත උඩින්ම පිළිගන්නවා…
තමන්ගෙ එකාට මෙහෙමයි.. අනුන්ගෙ එකාට එහෙමයි.

පොඩි කාලෙම මහණ වෙන එකේ හොඳ නරක තේරෙන්නෙමත් දුප්පත් පවුල් වලම ළමයින්ටනෙ… සල්ලිය බාගෙ තියෙන පවුල් වල ළමයින්ට අවුරුදු විස්ස තිහ පහුවෙලත් බඳින එකාවවත් තෝරගන්න තේරෙන්නෑනෙ…

අනේ මේ කුණුහරප නොකියා ඉඳින්…!

හයක් හතරක් නොතේරෙන පොඩි දරුවො මහණ නොකර තුන් ලොවේම පරම සත්‍යය කියන ආගමක පැවැත්ම තහවුරු කරගන්න බැයි නම්, පොඩි උන් මහණ කරන එක නවත්වන එක ශාසනයට තර්ජනයක් නම්. බුද්ධාගම විනාස කිරීමක් නම්..

මොකක්ද ඔය මහ ලොකුවට රකින්න හදන බිත්තර සිවියක් වගේ සුමට ශාසනය?

දරුවෙක් කියන්නෙ බුද්ධිය වර්ධනය නොවිච්ච පොඩි එකෙක්. ඒකයි ඌට අර මුලින් කිව්ව දේවල් මුකුත් ඕන වුන පළියට කරන්න බැරි. මොකද age of consent කියල ලෝකය සම්මත කරගෙන ඉන්නව යම් වයස් සීමාවක්. සමහර කාරණා සඳහා අවු.18 ත් සමහර කාරණා සඳහා අවුරුදු 21ත් ආදී වශයෙන්. ඔය වයසට පත් වෙන්න කලින්, ඌට ඕන වුනත් උගේ ජීවිතයට සහ අනාගතයට ස්ථීර බලපෑමක් කරන අතිශය වැදගත් තීරණ ගන්න බෑ කියල ශිෂ්ඨාචාර ගත සම්මුතියක් තියෙන්නේ හේතුවක් ඇතුවයි.

වෙන්න ඕන දරුවා වැඩිහිටියෙක් වුනාම ඌට සුදුසුම තීරණය ඌ විසින්ම ගන්න අවශ්‍යය මෙවලම් හෙවත් දැනුම කුඩා කාලයෙදි ඌට ලබා දෙන එක. ඒකට හොඳ පදනමක් දාලා දෙන එක.

සරලව මෙහෙම ගමු.

දැන් ඔය ශාසනය රකින්න කැපවෙලා දුප්පත් දරුවන්ට මහණ වෙන්න තියෙන අයිතිය වෙනුවෙන් පෙනී ඉන්න ඔබතුමා ඉන්නෙ.. අන්න ඒ ඔබතුමා හිතනවනෙ මොකක් හරි දෙයක් තමා සිරාම පරම සත්‍යය කියල (මේ කේස් එකේදි නම් ඒ පරම සත්‍යය බුදුදහමනෙ) අන්න ඒ පරම සත්‍යට ළඟා වෙන්න අබෞද්ධ පරිසරයක හැදෙන ළමයෙක්ට ලබා දෙන්න ඕන පරිසරය මොකක්ද? අධ්‍යාපනය මොකක්ද? ඒ ළමයට දෙන්න ඕන තොරතුරු මොනවද කියල හිතන්න. අන්න ඒ ටිකම වෙන පරම සත්‍යයන් ගැනත් ඔබතුමාගෙ දරුවාට දෙන්න. (කතෝලික, බෞද්ධ, ක්‍රිස්තියානි, ඉස්ලාම්, හින්දු, විද්‍යාව, දර්ශනය ඔය ඕන මගුලක්).

වෙන ආගමක ළමයෙක්ට කවදා හරි ලොකු වෙලා ඔයා පරම සත්‍යය කියල හිතන බෞද්ධයෙක් වෙන්න පුළුවන් ඌව පොඩි කාලයෙ ඌ උපන් පවුලෙ ආගම ගැන කියල බ්‍රේන් වොශ් නොකර ලෝකයෙ ප්‍රධාන ආගම් ගැන සමානව ඉගැන්නුවොත් විතරයිනෙ. අන්න ඒකම උඹෙ දරුවටත් දීපන්. සරලයි.
ඒ අබෞද්ධ දරුවා වැඩිහිටියෙක් වෙලා කැමැත්තෙන් බෞද්ධ වෙන්න නම්, ඒ දරුවාව පොඩි කාලෙ ඉඳන් ඉස්ලාම් කතෝලික ආගම් පරම සත්‍යය කියලවත් උගන්වන්නෙ නැතුව ඌට විවෘත මනසකින් හිතන්න පොළඹවන්නනෙ ඕන. ඒ නිදහස උඹෙ දරුවටත් දීපන්..

උඹේ ආගම මොක වුනත් ඔය කියන විදියට ඒක පරම සත්‍යය නම් දරුවා ලොකු වෙලා ඒකම තෝර ගනියි. හැබැයි ඒ තීරණය දරුවාට වැඩිහිටියෙක් වුනයින් පස්සෙ ගන්න දීපන්. ඌ වෙනුවෙන් උඹ ඒ තීරණය ගන්න එපා.

ඌ ‘ලේනෝ ලේනෝ මේ දත අරන් අලුත් දතක් දියෝ’ කියල වහලෙට හැලුනු දත් විසි කරන වයසෙදි ඒ නොමේරූ මොළයට උඹෙ අදහස් දාලා බ්‍රේන් වොශ් නොකර හැම දේම ප්‍රශ්න කරන්න උගන්නපන්..

දරුවා ඇවිල්ලා යමක් ප්‍රශ්න කලාම, උත්තර දෙන්න ඕන “පුතේ, මේක ගැන තාත්තාගෙ අදහස මේක… ඒත් සමහර වැඩිහිටියො මේ අදහසෙත් ඉන්නවා. පුතාම හදාරලා බලලා තීරණය කරන්න මොකක්ද උත්තරය කියලා. තාත්තා නෙමේ, ඕනම කෙනෙක්ට වරදින්න පුළුවන්. පුතාත් කවද හරි යමක් ගැන වැරදි බව අවබෝද වුනොත් එවෙලෙම ඒ අදහස අත ඇරලා අදහස් වෙනස් කරගන්න..”
වගේ විදියකට මිසක් තමන්වහන්සේ ලොව තුන් කල් දක්නා තැනන් වහන්සේ වගේ පොඩි එකාට තමාගේ උත්තර ඔබ්බවන එක නෙමේ. දරුවාට උත්තර හොයා ගන්න හැටි කියල දියන්. හිතන්න ඕන දේ නෙමේ, හිතන විදිය කියල දියන්…

ඔන්න ඔය වගේ පරිසරයක, දෙමාපිය ආදරය රැකවරණය ලබමිනුයි දරුවෙක් හැදෙන්න ඕන. නැතුව පන්සලකවත්, පල්ලියකවත් වෙන ඉලව්වකවත් එකම ආකාරයක ලෝක දැක්මක් ගිරව් වගේ පාඩම් කරමින් නෙමේ.

ආගම වුනත්, දර්ශනය වුනත්, විද්‍යාව වුනත් පරම සත්‍යය ලෙස දරුවන්ට උගැන්වීම නොවිය යුතුයි.

අහිංසක දරුවාව තමන්ගේම කොපියක් කරන්න හදන්න එපා.. ඌව බ්‍රේන් වොශ් කරන්න එපා.. ඔය ඔක්කොටමත් වඩා ඌව ආගමික හමුදාවක එක ඉත්තෙක් කරන්න එපා…

ඊට පස්සෙ කවදා හරි ඌ ලොකු වුන දවසක කාටවත් කරදරයක් නැතුව උගෙ කැමැත්තෙන් මහණ වෙන්න බැයිනම් හිමාල වනයට ගිහිල්ල ටීක් බෝල ගගහා හිටියත් අපිට කමක් නෑ”
.
.
.
සංජය ශ්‍රීකාන්ත්
(පරණ පෝස්ට් එකක්) #jamisbanda

Leave a Comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s